بەشداری لە کۆنفرانسی نێودەوڵەتی IHSA و پێشکەشکردنی توێژینەوەی سەنتەری ڕاوێژکاری-ئەستەنبول

سەنتەری ڕاوێژکاری، لە ڕێگەی د. پێگا سەیدی، سەرپەرشتیاری سەنتەر، بەشداری هەشتەمین کۆنفرانسی نێودەوڵەتی IHSA کرد، کە لە نێوان ١٥ تا ١٧ی تەشرینی یەکەمی ٢٠٢٥ بە هاوکاتی لە بێرگنی نەرویج و ئیستانبوڵی تورکیا بەڕێوەچوو. لەم کۆنفرانسەدا، توێژینەوەیەک پێشکەش کرا کە جەختی لەسەر ڕێکارەکانی بەڕێوەبردن و پەرەپێدانی دروستی دەروونی دەکردەوە  لە کۆمەڵگایەنەی کە کەمی شارەزایانی بواری دروستی دەروونیان هەیە، و گرنگی بەکارهێنانی چارەسەری نوێ و گونجاو بۆ ئەو ژینگەیانە دەدا. هەروەها د. پێگاە سەیدی وەک وتاربێژی پانێڵیش بەشداری کرد و لە چوارچێوەی کۆنفرانسەکەدا توانی سەرنجی ژمارەیەک لە ڕێکخراوە نێودەوڵەتییەکانی دابینکردنی پاڵپشتی و فاندینگ بۆ ئەم بوارە ڕابکێشێت، کە ئەمەش دەرفەتێکی باش بۆ دروستبوونی هاوکاری و پڕۆژەی هاوبەشی داهاتووی سەنتەری ڕاوێژکاری و پەیمانگای تەکنیکی کوردستان دابین دەکات.